教育大臣唔知做咩

紀文思

兼任左教育大臣，但係又諗唔到做啲咩好，所以寫啲關於教育嘅野啦。自己本身都係教書嘅，好快踏入第三年教學生涯，夜晚突然有個舊生dm我，有感而發。

我教左兩間學校。第一年教書係喺一間國際學校，負責初中英文、綜合人文同埋IGCSE嘅 英文作為母語 科。入面好多都係ABC，或者少數族裔，有啲外國人黎，總之佢地英文係十分十分好，基本上母語咁。英文對我黎講只係第二語言，當佢請我做英文老師嘅時候，我都有啲驚，擔心自己應付唔黎。先唔好講自己無教過書，我都驚自己英文唔夠人好。當時剛剛喺Kong U讀左個英文教育Master，但唔代表英文可以日常用咁好。所以當時都好驚比班小朋友笑我。不過上堂之後佢地其實都好乖好抵錫，係嘈啲同埋可能我唔夠惡所以會overlap我把聲。



記得當時唔識用聲，第一個月嘅時候記得失聲。好彩之後買左mic就好好多。踏入第三年，已經可以識得用丹田鬧人，四樓鬧人地下都聽到。當時嘅男朋友仲買左隻杯比我



本美人當時好有心機整壁報。


第一年教書嘅時候乜都唔識，鬧人唔夠膽，然後間學校好閪，乜都無support過我，校長又唔中意我咁。教書又教得好差，無人教我要點樣教。咩都係自己一個諗，然後請教都係其他科嘅同事。其實諗翻起都覺得好顛。我學校係一間英國制度個學校，入面嘅野全部照搬英國嘅野，課程都係英國嘅野，所以佢地學嘅英文同我地香港課程嘅好唔同。大概係我地中文科咁，唔係教語法、聆聽說話哩啲。單純要啲好多篇章，然後理解背後嘅文學意識，所以我當時教好多文學野，好多修辭野，甚至要教埋莎士比亞。




例如會問你點解作者用哩兩個代名詞，有咩效果



S1嘅卷黎，要佢地用翻啲修辭手法出黎，哩個小朋友係特殊學習需要，每次都係得10幾分



S3嘅卷，我記得果陣時教Lady Macbeth 我自己都要特登去備課幾次。



S4要佢地寫Journal 然後自己改再評語，我覺得果陣時嘅自己好有心。

我對第一年教書嘅自己係好睇唔起，覺得自己好辛苦但係無人幫，然後自己教得好吃力同埋差，因為唔知道咩係教得好咩係教得唔好。而且哩間學校啲老師年年都走好多個，所有我覺得啲學生過幾年都唔會記得我gah啦。

紀文思

但係今年認真我好感恩。自己以為自己「做左一年姐，走左啦都，啲學生唔會記得你，同埋教得咁差唔好記得我tim。」



但係今年好得意，幾個去左英國同埋加拿大嘅學生翻黎香港之後，都特登搵我食飯。我教佢地S4，IGCSE英文，我覺得自己教到pat屎咁，畢竟佢地要考公開試但係我唔係太熟悉個syllabus。同埋果陣時佢地好衰，成日好嘈，無咩規矩，要屌鳩佢地先收聲。所以同哩班S4關係不太好，因為成日比我鬧同埋煩。所以加埋哩啲因素令我好驚訝，今年幾個搵我嘅舊生都係果屆S4.


佢地搵我食飯，然後都係同我講佢地準備讀大學啦，所以要話我知。幾個都係男仔黎，而且成熟左好多，舉止同埋談吐都正常左好多，反而唔係太習慣。


尤其是講翻起以前上我堂嘅野，大家會講到爆笑，同埋感動嘅野佢地多謝我咁比心機教佢地。（真心當時我覺得自己教得好差，但係自問我好比心機煩鳩啲頑皮學生）我問佢地有無覺得我煩，反而佢地覺得我唔算太煩（係咪奴性重？）


剛剛有個我S1教佢嘅男仔，喺加拿大翻左香港放假同我IG DM，好開心嘅係佢會掛住我，同埋話好享受上我嘅堂。


有時候做野好辛苦，尤其是教書一翻到學校基本上無休息時間，但小朋友嘅一字一句就足夠令你繼續努力落去~

紀文思

當時第一年教書好辛苦，唔識得用聲，所以搞到成日病。同埋乜都one man band，要自己做曬所有野，無人問無人理，老細又閪。


不過好彩果陣時我係有拍拖，我ex bf都幾錫我，好多野幫我同埋guide住我，同埋有佢陪我，好多野可以搵人分享。

當然啦，果陣時有 @亞厘畢 and @安仁，我記得果陣時我地成日即興約出街，得閒食下甜品，去下驗孕道，行下西環碼頭。我好中意果種random嘅旅程！唔開心又可以同佢地9up下。我仲記得同佢地喺西環入荃灣然後行到深井！

佢地果陣時都話我翻左哩份工後活力下降！不過感恩識到大家，我嘅生命豐富左。

亞厘畢

好嘅老師，學生會記一世，亦可能會影響佢一生

亞厘畢

紀文思 發表於 2023-7-28 03:16
當時第一年教書好辛苦，唔識得用聲，所以搞到成日病。同埋乜都one man band，要自己做曬所有野，無人問無人 ...

個段日子好開心

船仔

深情流露

不過我好慶幸，我唔係比你教

亞厘畢

船仔 發表於 2023-7-28 08:28
深情流露

不過我好慶幸，我唔係比你教

如果唔係會點

安仁

要繼續鳩行

紀文思

亞厘畢 發表於 2023-7-28 03:27
個段日子好開心

我都係 成日出去玩

紀文思

船仔 發表於 2023-7-28 08:28
深情流露

不過我好慶幸，我唔係比你教

我會剪你賓州