聯合王國一周年呈獻：《出富山記》生存遊戲 - 正篇

章祈紹

聯合王國一周年呈獻

《出富山記》生存遊戲

1st Anniversary of VUK

<Hammer Hill> Survival Game

玩法 How to Play

透過WhatsApp投票選擇或回覆撰寫行動，由本人參考投票結果或回覆內容，加上攪珠隨機因素，操控角色行動，於動亂之中生存。

遊戲宗旨 Purpose

居安思危，寓學於樂

游人，如果您要查看本帖隱藏內容請回復

章祈紹

第一回

投票決定嘅災難：
國際衝突 5票
社會動盪 3票
本地瘟疫 2票
資源危機 1票
天然災害 0票

留意：國際衝突下亦有機會出現其他災難


抽到人設：
主角：梁天仁，Brian
24歲，男，173cm，中等身形，單親（父親為跨境車司機，甚少在家居住，在港無親戚），單身。
商科，學士肄業，副學士畢業。
家住黃大仙富山邨，兼職外賣電動步兵，
擅長煮食。

主角有一個青梅竹馬：
芝芝，24歲，女，158cm，一般身形，單親獨居（母親已去世，在港有親戚），單身。
家住黃大仙富山邨，新入職中學教師，地理科，工作地點為觀塘區。
樂觀有同理心。

富山邨位於黃大仙斧山，依山而建，鄰近幾個居屋屋苑及私人屋苑。
儘管唔係鐵路或主幹道沿線，但距離鑽石山、彩虹車程唔遠，背靠鑽石山火葬場及慈雲山，並有山徑可通彩雲一帶及飛鵝山。



2026年11月。
黃大仙，富山邨，某茶餐廳。

「行政長官到P京述職，國家主席接見⋯⋯」
「寶島九合一選舉暨國家正名公投，綠營大獲全勝，總統黎正德表示，寶島以後會以『寶島』正式國號同各國往來⋯⋯」
茶餐廳電視播緊新聞，理所當然地係三色新聞台。

「啲新聞咁無聊嘅，又係三幅被⋯⋯算啦，一陣食飽出去睇下有咩單好過。」你一路爬緊碗沙嗲牛麵，一路講。
「同我食早餐好無聊咩？難得今日星期日，唔使返工可以請你食早餐。」芝芝問你。

當你準備回應時，電視機又有新聞播出，但今次每個人都專心聽住，連茶記阿姐都企定定。

「特別新聞報導：國家主席講話：寶島自古以來係國家不可分割一部份，面對寶島當局挑釁，國家係時候要宣示主權，保護同胞⋯⋯」

呢個時候，你打開社交平台，亦見到有人轉貼外國消息：
「A國總統侵恭賀寶島通過正名公投，將會同寶島建交，期望加強兩國經濟及軍事合作。」
「多個歐洲、亞洲國家先後向寶島發出官方祝賀，表明支持寶島民主公投決定。」

「睇嚟係時候做定兩手準備買定儲糧之類啦，你諗住點做呀？」芝芝問你。

章祈紹

寶島通過正名公投，國際衝突即將爆發，你會？

1. 去樓下超市購物
2. 去鑽石山荷里活廣場購物
3. ⁠去九龍灣Megabox購物
4. 做多啲外賣單，積蓄金錢
5. ⁠使用僅餘積蓄買機票離港前往東南亞國家
6. 其他（回覆提出）

---

樓下 2 : 鑽石山 2 : 跑單 2
同票，攪珠決定： 去樓下超市購物
隨機攪珠：宏觀事件（將會適時盡快觸發）

---
第二回

「事不宜遲，我哋即刻去隔離惠佳超市掃貨啦。」你即刻拉住芝芝埋單，9秒9去隔離超市掃貨。

因為報導播出冇耐，富山邨同鄰近屋苑街坊年紀普遍大少少，行動唔及你哋兩個後生快，
去到超市暫時仲係正常人流，你哋有好充足時間考慮，兩個人買咩類型嘅嘢？分頭行事定係一齊行？

紀文思

留名同埋支持